متابعات : زئير الحقيقة
بريدك بلادي
بحربك بجوعك
بفقرك بريييدك
تشرد جموعنا
بنمسك بإيدك
يشيلك عدونا
بروحنا بنعيدك
عشان فينا غالي
كتير البكيدك
بريدك بلادي
برغم المصاعب
عشانك نعاني
ونواجه المتاعب
عشقتك لانك
اعز الحبايب
معاك في المسرة
ومعاك في المصايب
سقيتنا بنيلك
بناكل في ارضك
اويتنا وحميتنا
ولا خنت عهدك
نموت وانت عالي
ونصون ليكا عرضك
يا انت وانحنا
يا ماف تاني بعدك
وحقك علينا
لانك بتنزف
عشان بينا خاين
مقامك ما بعرف
واقلام شعري
ابت فيكا توصف
وعن كل اهه
فؤادي بيرجف
ستشرق شموسك
وتشفي الجروح
وتشرق حقولك
ونبني الصروح
نعاود ديارنا
وننسي النزوح
ويصبح حكاوي
ووجعك يروح